報告！報告！您收到一個來自婦女中心嘅特別任務邀請！我哋嘅SEN小朋友同埋照顧者需要你嘅支持！
為減輕SEN學童家庭嘅經濟負擔，以及讓SEN學童得到適切嘅照顧，我哋誠意邀請各位跑手成為我哋嘅「特殊任務」十公里賽慈善跑手，為我哋可以對應SEN學童嘅課餘託管服務籌款，以維持高質素嘅服務。
有調查發現，全職嘅無酬照顧者大部份都係女性。而兒童照顧者當中有一群係SEN（特殊學習需要）學童嘅照顧者！SEN學童嘅照顧者喺尋求社區資源上困難重重，社會上嘅專門支援SEN暫託服務名額唔足夠，而且一般嘅課餘託管服務普遍未有專業知識支援SEN學童，以致學童可能因情緒行為問題退出服務。不少SEN學童嘅媽媽因此要貼身照顧而成為全職照顧者，加上很多時照顧者經常需要自費讓SEN學童參與專門訓練，令家庭經濟壓力十分大。
有見及此，本會喺今年年初開設首個於大埔區專門支援SEN學童的課餘託管服務，希望能夠照顧SEN學童及其照顧者嘅需要，同時可以減輕基層家庭的經濟壓力，讓SEN學童得到適切嘅照顧，唔會因為經濟狀況而錯失更多學習嘅機會，又可以讓照顧者有空間發展自我，獲得喘息的空間。
2025年度嘅香港渣打馬拉松將於2025年2月9日舉行，婦女中心今屆亦有幸獲選參與 「馬拉松慈善計劃」，由渣打香港馬拉松捐贈十公里賽事名額，歡迎各位跑手參與我哋嘅「特殊任務」，支持我哋發展更多高質素嘅SEN課餘託管服務，每個十公里賽事名額嘅最低捐款額係港幣一千六百元。
名額有限，請即電郵至fundraising@womencentre.org.hk或致電2153 3153通知我們，以確認名額！
註：
1. 十公里之參賽者必須於2025年年滿16歲或以上（以出生年份計）。
2. 報名者須於報名表上如實地填報其預計完成時間，有關資料將用作安排其起跑組別及時間之參考因素。